Chapter 3 First Encounter

"Andito na'ko!!!!" bungad ni Eileen sa kausap nito sa telepono.

"Eeeeeeeeeeeeeeeeeee" sagot naman ni Inah pagkarinig sa boses ng matalik na kaibigan.
"Pupunta ako dyan ngayon nah!!!!" yun lang at mabilis na nitong ibinaba ang telepono.

Nakangiting tatayo si Eileen para salubungin ang kaibigan sa harap ng kanilang bahay.
Dalawang kanto lamang naman kasi ang layo ng bahay ni Inah sa kanila.

Ilang sandali pa'y matatanaw na nito ang kaibigan na abot tenga ang ngiti habang nagmamadaling maglakad patungo sa kanya.

"Oh my gosh! You havent changed a bit! Beautiful as always... lalo ka pa atang sumexy sis! Pa hug nga!"
Mariing magyayakapan ang dalawa.

"Tara na!" hihilahin ni Eileen papalayo ng bahay ang kaibigan.

"O san tayo pupunta?"

"Magmemeryenda. Treat ko!"

"Ay! Type! " mabilis itong aankla sa braso ni Eileen.

Patuloy na magkukwentuhan ang magkaibigan habang naglalakad patungo sa abangan ng sasakyan.

Isang jeep ang papara sa harap nila. Papasakay na sila nang makasalubong nila pababa mula sa Jeep na iyun si Colleen.
Manlalaki ang mata ni Colleen nang magkasalubong ang paningin nila ni Eileen napapasakay naman ng jeep. Hindi ito makakakibo habang patuloy itong bumababa ng jeep.

Susundan ni Eileen ng tingin si Colleen habang patawid iyun ng kalsada. Pareho silang natahimik ni Inah. Pero di na pinatagal ni Eileen ang awkward silence na iyun.

"May dumaang anghel..." biro agad nito
"Anghel ka dyan. Demonyita kamo." pabulong na sagot ni Inah habang nakataas ang kilay.
"Puso mo sis! "
Parehong mahahagikgikan ang dalawa.

----------

Pagkarating na pagkarating sa bahay maabutan ni Colleen na nakabihis na si Jerry.

"O bihis na bihis ka ah. Amoy na amoy ko pabango mo sa labas pa lang ng bahay."

"Mommy!!!" bungad ng limang taong gulang nilang anak na si Collette. Yayakap iyun sa kanya.

Hihilahin naman ng dalawang taong gulang na si Jersey ang laylayan ng kanyang palda. Nagpapakarga iyun sa kanya.

Kakaragahin naman ni Colleen ang bunsong anak.

"Mommy yung chocolate na promise mo." tanong ni Collette.

" Naku anak, nalimot ko bumili. Next time na lang ha." sagot ni Colleen nang hindi inaalis ang tingin kay Jerry na nagsusuklay ng buhok sa harap ng salamin.

"Mama chokweyt ko?"

"Buti andito ka na. Late na ako." hahalik sa pisngi ni Colleen si Jerry

"Saan ka na naman ba pupunta?"

"Di ba nga ako ang pinapasundo ni Tito kina Mang Pascual sa airport? Sayang din yun ibabayad sa akin dun."

"Bakit ba kasi ikaw pa!" ilalapag ni Colleen si Jersey.

"Ano ka ba naman Colleen! Pinag-usapan na natin to di ba?" Didiretso na sa pinto si Jerry.

"Sayang ang kita. Malay mo sa katandaan ni Tito, sa akin nya ipamana ang taxi nya. Puro naman kasi tamad mga anak nya."

Papalapitin ni Jerry ang mga anak para mag-goodbye kiss.

"Sige na anong oras na. Colleen ha, wag mong iiwanan yang mga bata baka mamaya mangapitbahay ka na naman." saka nito isinara ang pinto pagkalabas nya.

Di na nakakibo si Colleen. Maluha-luha ang mata nito...

"Mommy bakit ka umiiyak?" tanong ni Collette.

Bigla naman lalapit si Jersey para gitgitin ang ate nya pagkakitang nakakandong iyun sa kanyang ina.
"Mama kooooo!" mariin nitong yayakapin ang mommy nya.

"Ang sama mo! Mommy ko din yan!" Yayakap din si Collette.

"Pwede ba wag kayong magulo!!!" inis na sabi ni Colleen.

"Nakikipagtagpo na sa ibang babae daddy nyo! Alam nyo ba yun!!!!" tatayo si Colleen at padabog na papasok ng kwarto.

Iiyak si Jersey.
"Ayan tuloy nagalit si Mommy! Ikaw kasi eh!!! Mang-aagaw! " sigaw naman ni Collette.


itutuloy...